2014 جىلعى 24 جەلتوقسان, استانا قالاسى
قىزمەتكەرلەردىڭ ءومىرى مەن دەنساۋلىعىنا كەلتىرىلگەن زيان ءۇشىن بەلگىلەنگەن تارتىپپەن جاۋاپتى دەپ تانىلعان تاراتىلاتىن زاڭدى تۇلعانىڭ مۇلكى جوق نەمەسە جەتكىلىكسىز بولعان جاعدايدا, وسى زياندى وتەۋ جونىندەگى ءتيىستى مەرزىمدىك تولەمدەردى كاپيتالداندىرۋ سوماسىن مەملەكەتتەن ءوندىرىپ الۋ جونىندەگى اتقارۋشىلىق ءىس جۇرگىزۋدى جۇزەگە اسىرۋ ەرەجەسىن بەكىتۋ تۋرالى
«اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» قازاقستان رەسپۋبليكاسىنىڭ 2010 جىلعى 2 ساۋىردەگى زاڭىنىڭ 6-بابىنىڭ 3-تارماعىنا جانە «ادىلەت ورگاندارى تۋرالى» قازاقستان رەسپۋبليكاسى زاڭىنىڭ 7-بابىنىڭ 2-تارماعى 3) تارماقشاسىنا سايكەس بۇيىرامىن:
1. قوسا بەرىلىپ وتىرعان قىزمەتكەرلەردىڭ ءومىرى مەن دەنساۋلىعىنا كەلتىرىلگەن زيان ءۇشىن بەلگىلەنگەن تارتىپپەن جاۋاپتى دەپ تانىلعان تاراتىلاتىن زاڭدى تۇلعانىڭ مۇلكى جوق نەمەسە جەتكىلىكسىز بولعان جاعدايدا, وسى زياندى وتەۋ جونىندەگى ءتيىستى مەرزىمدىك تولەمدەردى كاپيتالداندىرۋ سوماسىن مەملەكەتتەن ءوندىرىپ الۋ جونىندەگى اتقارۋشىلىق ءىس جۇرگىزۋدى جۇزەگە اسىرۋ ەرەجەسى بەكىتىلسىن.
2. وسى بۇيرىقتىڭ ورىندالۋىن باقىلاۋ ادىلەت ءمينيسترىنىڭ ورىنباسارى ب.ج. ابدىرايىمعا جۇكتەلسىن.
3. وسى بۇيرىق العاش رەت رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ب.يماشەۆ.
قازاقستان رەسپۋبليكاسى ادىلەت ءمينيسترىنىڭ
2014 جىلعى 24 جەلتوقسانداعى № 371 بۇيرىعىمەن بەكiتiلگەن
قىزمەتكەرلەردىڭ ءومىرى مەن دەنساۋلىعىنا كەلتىرىلگەن زيان ءۇشىن بەلگىلەنگەن تارتىپپەن جاۋاپتى دەپ تانىلعان, تاراتىلاتىن زاڭدى تۇلعانىڭ مۇلكى جوق نەمەسە جەتكىلىكسىز بولعان جاعدايدا, وسى زياندى وتەۋ جونىندەگى ءتيىستى مەرزىمدىك تولەمدەردى كاپيتالداندىرۋ سوماسىن مەملەكەتتەن ءوندىرىپ الۋ جونىندەگى اتقارۋشىلىق ءىس جۇرگىزۋدى جۇزەگە اسىرۋ ەرەجەسى
1. جالپى ەرەجەلەر
1. وسى قىزمەتكەرلەردىڭ ءومىرى مەن دەنساۋلىعىنا كەلتىرىلگەن زيان ءۇشىن بەلگىلەنگەن تارتىپپەن جاۋاپتى دەپ تانىلعان تاراتىلاتىن زاڭدى تۇلعانىڭ مۇلكى جوق نەمەسە جەتكىلىكسىز بولعان جاعدايدا, وسى زياندى وتەۋ جونىندەگى ءتيىستى مەرزىمدىك تولەمدەردى كاپيتالداندىرۋ سوماسىن مەملەكەتتەن ءوندىرىپ الۋ جونىندەگى اتقارۋشىلىق ءىس جۇرگىزۋدى جۇزەگە اسىرۋ ەرەجەسى (بۇدان ءارى - ەرەجە) «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» قازاقستان رەسپۋبليكاسىنىڭ 2010 جىلعى 2 ساۋىردەگى زاڭنىڭ (بۇدان ءارى - اتقارۋشىلىق ءىس جۇرگىزۋ تۋرالى زاڭ) 6-بابى 3-تارماعىنا سايكەس ازىرلەندى جانە سوت شەشىمدەرىنىڭ ۋاقتىلى ورىندالۋىن قامتاماسىز ەتۋ ماقساتىندا رەسپۋبليكالىق بيۋدجەتتىك باعدارلاما شەڭبەرىندەگى سوت شەشىمدەرىن ورىندالۋدىڭ بىرىڭعاي ءتارتىبىن بەلگىلەيدى.
2. بيۋدجەتتىك باعدارلاما شەڭبەرىندە سوت شەشىمدەرىنىڭ ورىندالۋ ءتارتىبى
2. مەملەكەتتىك ورگان – بيۋدجەتتىك باعدارلامانىڭ اكىمشىسى (بۇدان ءارى - مەملەكەتتىك ورگان) ورىنداۋعا قابىلداعان اتقارۋشىلىق قۇجات ول بويىنشا سوت ورىنداۋشىسى اتقارۋشىلىق ءىس جۇرگىزۋ قوزعاماعان بولسا, قازاقستان رەسپۋبليكاسى ازاماتتىق ءىس جۇرگىزۋ كودەكسىنىڭ تالاپتارىنا سايكەس كەلمەگەن جاعدايدا, ونى بەرگەن سوتقا نە ءوندىرىپ الۋشىعا قايتارىلادى.
3. سوت ورىنداۋشىسى اتقارۋشىلىق ءىس جۇرگىزۋ قوزعالعاننان كەيىن مەملەكەتتىك ورگانعا اتقارۋشىلىق قۇجاتتىڭ بار ەكەندىگى تۋرالى حابارلايدى جانە زاڭنامادا بەلگىلەنگەن تارتىپپەن ينكاسسالىق وكىم شىعارۋ جونىندە شارا قابىلدايدى.
4. مەملەكەتتىك ورگان سوت اكتىلەرى بويىنشا اقشالاي قاراجاتتى اۋماقتىق ادىلەت ورگانىنىڭ قولما-قول اقشانى باقىلاۋ شوتىنا سوت ورىنداۋشىلارىنىڭ ورىنداۋىنداعى اتقارۋشىلىق ءىس جۇرگىزۋلەر بويىنشا سوت ورىنداۋشىسىنىڭ سوت اكتىلەرىن ورىنداۋ قاجەتتىلىگى تۋرالى حابارلاماسى نەگىزىندە عانا اۋدارادى.
5. سوت ورىنداۋشىسى سوت اكتىلەرىن ورىنداۋ ءۇشىن مەملەكەتتىك ورگانعا مىناداي قۇجاتتاردى ۇسىنادى:
1) ءوندىرىپ الۋشىنىڭ جەكە باسىن كۋالاندىراتىن قۇجاتتىڭ كوشىرمەسى;
2) ءوندىرىپ الۋشىنىڭ جەكە شوتى اشىلعان قازاقستان رەسپۋبليكاسىنىڭ ەكىنشى دەڭگەيدەگى بانكىنىڭ انىقتاماسى (جاۋاپتى تۇلعا قول قويعان جانە مورىمەن بەكىتىلگەن)جەكە شوتىنىڭ ءنومىرىن, بانك دەرەكتەمەلەرىن (مفو, جسن, اعىمداعى شوتى, اتاۋى, مەكەنجايى) كورسەتۋمەن نە ءوندىرىپ الۋشىنىڭ اقشالاي قاراجاتتارىن وعان پوشتامەن جىبەرۋ تۋرالى ءوتىنىشىنىڭ كوشىرمەسى نەمەسە تولەم كارتوچكاسىنىڭ كوشىرمەسى.
سوت ورىنداۋشىسىندا كورسەتىلگەن قۇجاتتار بولماعان جاعدايدا مەملەكەتتىك ورگان اقشالاي قاراجاتتاردى اۋماقتىق ادىلەت ورگانىنىڭ قولما-قول اقشانى باقىلاۋ شوتىنا اۋدارادى.
6. مەملەكەتتىك ورگان اۋماقتىق ادىلەت ورگانىنىڭ قولما-قول اقشانى باقىلاۋ شوتىنا نە ءوندىرىپ الۋشىلاردىڭ جەكە شوتتارىنا سوت اكتىلەرى بويىنشا اقشالاي قاراجاتتارىن ۋاقتىلى اۋدارىلۋىن قامتاماسىز ەتەدى, بۇل تۋرالى راستايتىن قۇجاتتاردى قوسا بەرە وتىرىپ, اۋماقتىق ادىلەت ورگانىنا ۋاقتىلى جازباشا تۇردە حاباردار ەتەدى.
7. مەملەكەتتىك ورگاننىڭ شوتىنا اتقارۋشىلىق قۇجاتتار بويىنشا شىعارىلعان ينكاسسالىق وكىمدەردىڭ ورىندالۋى قازاقستان رەسپۋبليكاسى قارجى ءمينيسترىنىڭ 2014 جىلعى 4 جەلتوقسانداعى № 540 بۇيرىعىمەن بەكىتىلگەن بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2014 جىلعى 5 جەلتوقسانداعى N 9934 تىركەلگەن) بەلگىلەنگەن تارتىپپەن جۇرگىزىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 21 قاڭتارداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10114 بولىپ ەنگىزىلدى.